Jan Desmarets
Jan Desmarets (°Yper, 21 januoari 1961) es nen expressionistischn kunstenoare die brounzn beeldn makt.
Leevn
bewerknJan Desmarets wos upgegroeid in Wervik in e familie mei negen kinders. Je wos em den voorletstn.
J'eit em e kunstupleidienge gevolgd an de Koninklijke Academie voor Schone Kunsten van Gent.
Zyn eerste tentoonstellienge ield ie em in 1985. Sinsdien exposeert 'n em geregeld in België en in 't buutnland.
Werkn
bewerknBrounzn beeldn zyn zyn specialiteit. Sommigste zyn monumentoal groot en zyn meer dan twee meiters oge. J'es een van de lettere kunstenoars die zyn brouns zelve giet.
Jan beeldt meestol mienschn, beestn en mythologische figuurn uut, dikkers binst da z'in vulle actie zyn. Lik nen hoop vintjes te lope, peirdn in galop, ne puut die an 't spriengn es, of ne reiger die juste ne vis up it.
't Es Jan Desmarets te doene vo de vitaliteit, de kracht, de dynamiek van 't moment. Da doet ie deur zyn beeldn zo veel meugelik uut te zuuvern en details achterwege te loatn, want zo bevriest y de bewegienge van zyn ounderwerp. Peirdn mei drie pootn of mienschn zounder kop of mei één been en zyn gin uutzounderiengn.
Kunstcritici noemn zynen styl intiem expressionistisch, of ook wel fauvistisch.
Veel van zyn beeldn zyn in updracht gemakt en stoan in en openboare plekke. Lik Waregem Koerse, e levensgroot brounzn tweekoppig januspeird da stoat up de maart van Woaregem. Of et kunstwerk De Sprint by De Schakel, ook in Woaregem. Recentelik es d'r e standbeeld van em ounthuldigd vlak vo 't nieuw schoolgebouw up de KATHO-RENO-campus (leroarnupleidienge) in Toeroet.