Jan zounder Vrees

(deureverweezn van Jan I van Vloandern)

Jan zounder Vrees (Dijon, 28 meie 1371 – Montereau 10 september 1419) was groaf van Nevers van 1384 tout 1404, hertog van Bourgondië van 1404 tout 1419, groaf van Charolais van 1404 tout 1405, en groaf van Vloandern, Artesië en Franche-Comté van 1405 tout an z'n dôod. Je was den êeste zeune van Filips de Stoutn en Margaretha van Male. Je dankt zyn lapnoame an z'n dêelnoame an de kruustocht teegn de Ottomoanse sultan in 1396.

Jan zounder Vrees
13711419
Groaf van Nevers
Periode13841404
VôorgangerMargaretha van Male
me Filips de Stoutn
IpvolgerPhilippe II van Nevers
Hertog van Bourgondië
Periode14041419
VôorgangerFilips de Stoutn
IpvolgerFilips de Goein
Groaf van Charolais
Periode14041405
VôorgangerFilips de Stoutn
IpvolgerFilips de Goein
Groaf van Vloandern, Artois
en Franche-Comté
Periode14051419
VôorgangerMargaretha van Male
me Filips de Stoutn
IpvolgerFilips de Goein
VoaderFilips de Stoutn
MoederMargaretha van Male

Jan zounder Vrees is in 1385 ip dertienjoarige leeftyd getrouwd me Margaretha van Beieren-Straubing, een dochter van Albrecht van Beieren, groaf van Henegouwn, Holland en Zêeland, van 't Huus Wittelsbach, vo zyn poziesje in de Lêge Landn te versterkn.

Ip de zelfstn dag trouwde z'n zuster met de zeune van de zelfste groaf. Dien dubbeln trouw legde de groundslag van de loatere êenmoakienge van de Nederlandn.

Juste lik zyn voader Filips de Stoutn was Jan zounder Vrees nie styf vele in Vloandern en wast 'n mêer bezig met de Fransche polletiek.

Die machtstryd et em uutendelik zyn leevn gekost. In 1419 ist'n ip de brugge van Montereau deur polletieke teegnstrevers vermôord, tegoare me zyn lyfwacht.

Ook z'n twi broers Anton en Filips zyn ip 'n gewelddoadige maniere an under ende gekomn in de slag by Azincourt teegn d'Iengelsche in 1415.

Jan zounder Vrees is ipgevolgd deur zyn zeune Filips de Goein.

De bezittiengn van Jan zounder Vrêes (oranje)
Van zyn broers Anton van Bourgondië (purper) en Philippe II van Nevers (groen)

Varia bewerkn

  • De Groaf-Jansdyk an uze kust is noar em vernoemd.
  • In 'n poar volkssoagn in Antwerpn ist er sproake van 'n anderen Jan zounder Vrees.