Jan Turpin

Jan Turpin is de bekendste reus van Nieuwpoort. D' andere zes reuzn van de Reuzegilde zyn Goliath en Griete, dochter Rosalinde, Puuptje, Crabbe en Jacqueline d' hekse. Jan Turpin is de grotste gedreegn reus van Europa. J' is 10,60 m grôot en je weegt 760 kg. Je wordt gedreegn deur 24 man.

• 
  Jacqueline, Puuptje en Crabbe in Rodgau (Duutsland) (2010)
• 
  Puuptje, Goliath en d' hekse Jacqueline in Nieuwpoort (2011)

Jan Turpin, reus van Nieuwpoort

Geschiedenisse

• Rekeniengn van 1494 wyzn al ip 't bestoan van e reus in de stad.
• Vo den Êeste Weireldoorloge noemdege de stadsreus Goliath. J' is officiël getrouwd me Griete.
• Reus Jan Turpin I makte in 1926 zyn êestn uutstap. Je kreeg zyn noame van den burgemêester van Nieuwpoort die in 1489 an de vrouwn gienk vroagn vo mee te vichtn met hunder vermoeide vintn by de verdedigienge van hunder stad teegn de Fransche, Bruggeliengn en Gentenoars. De vrouwn vochtn soo cloeckelyck dan ze de droevoards kostn verjoagn. Binst de Twidde Weireldoorloge is de reus verbrand achter e bombardement. De kop in koper, die op 'n andere plekke was oundergebrocht, bleef gespoard.
• De reus van nu Jan Turpin II dateert van 1963 vo de vierienge van "Nieuwpoort 800" (Nieuwpoort kreeg zyn stadskeure in 1163).

Om de twêe joar trekt er e reuzestoet deur 't stadscenter van Nieuwpoort me mêer of 100 reuzn.