John McCrae
Lutenant-kolonel John Alexander McCrae (Guelph (Ontario), 30 november 1872 - Boulogne-sur-Mer, 28 januoari 1918) was 'n Canadeeschn dichter, dokteur, schryver, kunstenoare en militêr binst den Êestn Wêrldorloge en 'n chirurg binst den Twidden Slag vor Yper. J'is 't mêeste gekend vo z'n gedicht "In Flanders Fields".
John McCrae was angesteld as veldchirurg van de Canadeeschn artillerie en was 't hoofd van 't veldhuspitol binst de Twidden Slag vor Yper in 1915. Den dôod van z'n vriend, lutenant Alexis Helmer was den inspiroasje vo 't gedicht "In Flanders Fields", da was geschreevn up den derden meie 1915 en was êest uutgegeevn in 't magazine Punch.
Van den êestn juni 1915 was McCrae overgebrocht van d'artillerie no 't olgemêen huspitol in Dannes-Camiers teegn Boulogne-sur-Mer in 't nôordn van Vrankryk. "In Flanders Fields" wierd in 't begin anoniem in Punch, in d' uutgoave van den achtsten december 1915 uutgegeevn, moar in den index stoat je vermeld as den auteur. 't Gedicht wierd rap êen van de mêest populaire gedichtn van den orloge.
Up 28 januoari 1918 stierft je an 'n loengontstekienge die nog gecomplikèrd wierd deur 'n hessenvliesontstekienge, en wierd begroavn in 't Commonwealth War Graves (seksie Wimereux Cemetery), 'n poar kilometers inland van Boulogne.
|
Ofbeeldiengn die ier by passn ku je vien in de categorie John McCrae van Wikimedia Commons. |