Kôornsaloa

Kôornsaloa me rounde bladjes

Ryk:	Plantae (Plantn)
Stamme:	Embryophyta (Landplantn)
Klasse:	Spermatopsida (Zoadplantn)
Orde:	Dipsacales
Familie:	Valerianaceae (Valerioanfamilie), nu: Caprifoliaceae (Kamperfoeliefamilie)
Geslacht:	Valerianella (Kôornsaloa)

soort

Valerianella locusta
(L.) DC., 1805

Kôornsaloa (Valerianella locusta of Valerianella olitoria, AN Veldsla) is e sôorte groonsel, die in 'n tyde nie mêer of wiet wos die tusschn de wienterterwe groeide. Ze kommn vôorn in verschillige vormn, oundermêer me lange of me rounde bladjes.

Verspreidienge

Kôornsaloa groeit in 't wilde in Europa, Azië en Nôord-Afrika, mor oundertusschn groein der oek ol verwilderde sôortn an de ôost- en westkust van Amerika.

Eignschappn

Kôornsaloa ku toet 25 cm oge kommn. Z'is ossan groene va kleur en ze groeit surtout up ryke en natte ground (doamei dan ze oek goed groeidn tusschn 't kôorn).

De gekwikte versche is mêestol in reekn ezet die stief noare van makoar stoan. 't Zyn êenjoarige plantn die nie goed teegn de koude kunn (byn 5 groadn ounder nul vriezn ze dôod). Kôornsaloa is oftewel rauwe oftewel estoofd eetn.

't Zittn e masse vitamienn en mineroaln in kôornsaloa (vele mêer of in geweune saloa), oundermêer vitamine C, E, B6 en B9, beta-caroteen en omega-3-vetzeurn.