Kanoal van Roboais

't Kanoal van Roboais (Frans: Canal de Roubaix) es e kanoal in Vrankryk in't Noorderdepartement. 't Kanoal es 12,2 kilomèiters lank en makt de verbindienge tusschn de gekanaliseerde Marke by Waskehal en 't Spierekanoal an de Schreve by Leers. 't Makt dêel uut van de grôotere verbindienge tusschn de Deule en de Schelde. 't Kanoal van Roboais èit ôok nen kortn zy-arm van anderolve kilomèiter richtienge 't center van Terkoeje; Da stikske noem'n ze ôok wel 't Kanoal van Terkoeje (Canal de Tourcoing).

Liggienge van't Kanoal van Roboais (Canal de Roubaix)
't Kanoal by de plekke Leers

Ol in 1699 a Vauban ol plann'n vo de Marke te verbind'n mè de Schelde, mo doar es in dien tyd niet'n van gekomm'n. De werkn an't Kanoal van Roboais zyn begoest in 1823 en woarn mo grêed teegn 1877. De zy-arm noa Terkoeje wierd er achternoa bygegroavn in 1893. Ôorsprounkelyk giengn ze e gedêelte van't kanoal oundergrounds steekn ouder de gemêente Croix, mo da wos praktisch nie te doene. Uutendelyk ein ze et tracêe verleyd zoda 't illegansn boovngrounds angeleyd koest zyn.

Wikimedia Commons