Karel I van Ôostnryk

Karel I van Ôostnryk of Karel IV van Hongareye ( Karl Franz Joseph Ludwig Hubert Georg Otto Maria) (Persenbeug-Gottsdorf, 17 ogustus 1887 - Funchal, Madeira, 1 april 1922) was de latste keizer van Ôostnryk. Je was ook de latste monarch van ‘t Huus Habsburg-Lotharingen en van de dubbelmonarchie Ôostnryk-Hongareye.

In 2004 wierd ie zoalig verkloard deur paus Johannes Paulus II.

Trôonipvolger van Frans Jozef I

Achter de zelfmôord van krôonprins Rudolf in 1889 kwam Karel Lodewyk, broere van Frans Jozef, trôonipvolger. Moa je stierf in 1896. Doadeure kwam zyn zeune Frans Ferdinand de nieuwn ipvolger. In 1914 hen ze Frans Ferdinand vermôord in Sarajevo, wa dat êen van d'anleidiengn was vo ’t begun van den Êestn Weireldoorloge. Zyn broere Otto was de voader van Karel I, die Frans Jozef uutendelik ipvolgde.

Vrouwe en jounges

Karel trouwde in 1911 me Zita van Bourbon-Parma, dochter van Robert I van Parma. Z’haan acht jounges:

• Otto (1912-2011)
• Adelheid (1914-1971)
• Robert (1915-1996), voader van Lorenz, de vint van prinses Astrid van België
• Felix (1916-2011)
• Karel Lodewyk (1918-2007)
• Rudolf Syringus (1919-2010)
• Charlotte (1921-1989)
• Elisabeth Charlotte (1922-1993)

Mêer ofbeeldiengn die ier by passn ku je vien ip Frans Jozef I ip Wikimedia Commons.

Ofbeeldiengn die ier by passn ku je vien in de categorie Karl I of Austria van Wikimedia Commons.