Klaas Vantornout

Klaas Vantornout (19 meie 1982) es nen West-Vlamschn cyclocrosser. J'es ofkomstig uut Toeroet.

Klaas Vantornout agter zyn oovrwinnienge in de veldrit van Heerlen 2008

Carrière

Klaas Vantornout es begunn koersn ip zyn 13de. Ie probeerde zowel ip de weg als in 't veld, moar ie zag ol rappe da cyclocrossn em beter ofging. Als junior beoalde ie zyn êeste overwinniengn in zyn 2de joar, in't sezoen 1999-2000, toen da't ie by sportgroep Koksijde ree. Ie wos zeevn kêers n'êestn en tien kêers twêedn. 't Joar derip won't ie in Lichtaart in zyn êeste joar by de beloftn. Ie reed ton voo een nieuw team, et MEZ-team. In zyn derde joar won't ie in Zelzate, moar de grôte deurbroake kwam 't er ton dat ie in zyn vierde joar als belofte 6 kêers won en twêede wos in de eindstand van de Superprestige. Ie kreeg een anbiedienge om by Morgan Blue te gan ryen. Zyn êeste joar als prof wos wel een echt pechjoar omdat ie redelyk vroeg in 't sezoen klierkoorts kreeg. Achter zyn goeie prestoaties in zyn twêede joar als prof es't ie veranderd van ploeg. Vanaf 2006 reed ie vo 't Fidea Cycling Team van Hans Van Kasteren, sins 1 januoari 2008 rydt ie voun Sunweb.

De Klaas stoa nie vree bekend lyk e veelwinnoare, surtout omda tie in de latste joarn tefrente in dienste rydt vo zyn'n kopman Kevin Pauwels. Ip 13 januoari 2013 et 'm ollik e vree grote wienste g'oald deur d'n êestn te rydn in't Belgisch kampioenschap in Mol.

Ploegn by de profs

• 2006: Fidea Cycling Team
• 2007: Fidea Cycling
• 2008: Sunweb-ProJob
• 2009: Sunweb-ProJob
• 2010: Sunweb-ProJob
• 2011: TeamSunweb-Revor
• 2012: TeamSunweb-Revor
• 2013: TeamSunweb-Napoleon Games

Palmaresse by de profs

2005-2006

• 1 oovrwinnienge: Contern (Luxemburg)

2006-2007

• 2de plekke ip't Belgisch kampioenschap in Hamme - Zogge

2007-2008

• 6 oovrwinniengn: Knokke-Heist, Eernegem, de Druuvncross in Overyse, de Sylvestercross in Toeroet, Eeklo en Heerlen

2008-2009

• 4 oovrwinniengn: Dizzêle, Woerden, Gieten en de Silvestercross in Toeroet

2009-2010

• 1 oovrwinnienge: Otegem
• 2de plekke ip't Belgisch kampioenschap in Ôostmalle
• 2de plekke ip't wèireldkampioenschap in Tabor (Tsjechië)

2010-2011

• 2 oovrwinniengn: Eeklo en Middelkerke

2011-2012

gêen oovrwinniengn

2012-2013

5 oovrwinniengn:

• Kermiscross Ardôoie
• Superprestige Gieten
• Belgisch kampioenschap in Mol
• Cyclocross Otegem
• Noordzeecross Middelkerke

2013-2014

2 overwinniengn:

• Kermiscross Ardooie
• Superprestige Ruddervoorde

2014-2015

3 overwinniengn:

• Steenbergcross Erpe Mere
• Superprestige Gavere
• Belgisch kampioenschap

Externe koppelienge

• Zyne site