Koninklijke Vlaamse Ingenieursvereniging
De Koninklijke Vlaamse Ingenieursvereniging (K VIV) is de Vlamse beroepsverênigienge vor academische ingenieurs, burgerlik ingenieurs en bio-ingenieurs.
In d' ofkortienge stoat de 'K' apart de 'VIV', angezien dat de VIV pas mè zyn fiftigjoarige bestoan "keunienklik" gewordn is.
Uprichtienge
bewerknDe Vlamsn Ingenieursverênigienge wierd upgericht in 1928 in Antwerpn deur vier ingenieurs: R.F. Van Bocxstaele, K.M. Sano, Frans Mariman en L.S. Stuckens. Over de joarn is de verênigienge uutgegroeid toet een grôot organisoasje mè vertakkiengn per streke: ieder Vlamsche provincie hè zyn eigen platselike branche (Brussel behôort by Vlams-Brabant), en der is ook een K VIV Luxemburg vo 't Grôotertogdom Luxemburg, en der zyn ook apart' ofdêliengn vo de joungeren ounder 30 joar (K VIV-Jongeren) en d' ouderen over 60 joar (K VIV-Senioren). De doelstellienge van de verênigienge is 't bevordern van technologie en techniek in 't olgemêen en d' ingenieurswetenschappn in bezounder.
Doel
bewerknDe K VIV is de spreekbuze vôor en kykt achter de belangn van olle Vlamsche burgerlik en bio-ingenieurs. Deur hunder toedoen is de titel "ir" die een ingenieur vo zyn name mag zettn wettelik beschermd. Sedert 1942 richt de K VIV ingenieurspryzn in woamee dan ze de beste thesis bekrôonn. Vanof 't joar 2003 zyn der joarthema's ingesteld vo bepoalde wetenschappelik ounderwerpn ounder de loupe te steekn. in De vorbye joarn zyn Energie, Innovoasje, Scheikunde, Netwerkn, Bouw en Klimoat an den bak gekommn. De winnoars sedert 2002 zyn:
- 2002 - Gabriëlle De Lannoy: "Zoals het regent in Ukkel, regent het nergens"
- 2003 - Roeland Vertriest: "Kunnen bliksems de lucht redden?"
- 2004 - Gert Linthout: "Grondwaterreiniging door onvermoede stille krachten"
- 2005 - Goele Pipeleers: "Naar gepersonaliseerde bewegingsanalyses"
- 2006 - Dillis Van Valckenborgh: "Uit het hart gegrepen’"
- 2007 - Abigail Swillens: "Zoektocht naar efficiënte detectie van aorta aneurysma’s: Dodelijke vaatziekte eindelijk opspoorbaar?"
- 2008 - Katrien Baeck & Leen Lenaerts: "Het ontbrekende puzzelstuk"
- 2009 - Jeroen Corthout: "Slaapt u wel? Een eenvoudige diagnose van slaap apneu"
In 1940 wierd het Technologisch Instituut (TI) as een ounderofdêlienge binnen 't K VIV upgericht, met de bedoelienge van de professionêle ountwikkelienge van under leedn te bevordern. Da wordt gedaon deur d; inrichtienge van vôordracthn, studiedaagn, symposia, cursussn, conferensjes en tentôonstelliengn.
In 1992 wierd de Nie-Gouvernmentêle Organisoasje Ingenieurs zonder Grenzen (IzG) upgericht vo nie-commerciêle ountwikkeliengshulpe te geevn mè kortlopende contractn vor universitaire ingenieurs.
In 2009 telt 't K VIV omtrent 9000 leedn.