Kruuspôorte
- Dit artikel es geschreevn in 't Brugs, en da zou best ozô bluuvn.
De Kruuspôorte is êen van de Brugse stadspôorten en is een oenderdêel van de twidde Brugse stadsomwallienge uut 1297. Zelv'is ze gebouwd in de periode 1401-1406 deur de bouwmêesters Jan van Oudenaerde en Maarten van Leuven, t'ope me de Gentpôorte en de Katelynepôorte (die der nu nie mir is). Van de ôorsproenkelikke Kruuspôorte bluuft er zuste mo 't oofdgebouw over: de twi bruggen en de vôorpôorte en z'ofgebrookn. 't Interieur van de pôorte is groatendils bewoard gebleevn, toe zelfs de bankstjes van de pôortwachters toe.
