Libertair, Direct, Democratisch

(deureverweezn van LDD)

Libertair, Direct, Democratisch, ipgericht ounder de noame Lijst Dedecker, es een Belgische polletieke party. Ze situeert eur an de rechterkant van et polletiek spectrum.

Logo van LDD

Geschiedenisse bewerkn

Lijst Dedecker es ountstoan toen da Jean-Marie Dedecker uut de VLD gezet gewist es en achter dat ie oek nie by N-VA muchte ansluutn. De party es ipgericht gewist in 't begun van 2007. Gesteund deur de ex-liberoal Boudewijn Bouckaert als partyfilosoof, es Jean-Marie Dedecker begonn mè de ipbouw van de party. Loater zyn der nog andere minsn, gelik Ulla Werbrouck en Jurgen Verstrepen by de party gekoomn. De party wos ol ofgeschreevn vôor de Federoale parlementsverkiezingn 2007 omdat ze de kiesdrempel nie leek te oaln. Moar z'eit et beter gedoan dan verwacht, vôorol in West-Vloandern, en eit vuuf koamer- en êén senoatszetel geoald. Volgns veeln woarn ze het antwoord ip het Vlaams Belang en het ênigste alternatief voo rechtsstemmnde kiezers. Loater begost het spel in de menage.

In 2009 kwam den Hollander Derk Jan Eppink 't Europees boegbeeld van de partye by de verkieziengn.

Binst de federoale verkieziengn van 13 juni 2010 hèt de partye serieus verloorn en Jean-Marie Dedecker gaf den dag der achter zyn ountslag os partyvôorzitter. In zyn plekke kwam Lode Vereeck. Der wierd ook beslist vor e nieuwe noame te zoekn vo de partye, moa mè 't zelfste acroniem LDD.

Den 22ste januoari 2011 wierd de nieuwe noame vôorngesteld ip de nieuwjoarsrecepsje: Libertair, Direct, Democratisch. De leuze veranderde van Partij van het Gezond Verstand noa Vrij en verantwoordelijk. En Lode Vereeck gaf zyn functie van vôorzitter were deure an Jean-Marie Dedecker.

By de gemêenteroadsverkieziengn van 2012 hèt den LDD zeevn zetels g'hoald in Middelkerke, woa dat Dedecker zelve lysttrekker was.

Vo de verkieziengn van 25 meie 2014 dient den LDD allêne mor e lyste in vo de Koamer in West-Vloandern. Lode Vereeck is overgeloopn noa den Open Vld.

Standpuntn bewerkn

De belangrykste standpuntn van de party zyn:

  • Vlaktaks: êene belastingsvoet van 30%
  • Een belastienge die maximaal 40% bedroagt
  • Verregoande deurvoerienge van de federalisoatie
  • Erwardeerienge van de zelfstandign
  • Nen sterke noadruk ip orde en veiligeid
  • Ontmoedigen van (im)migroatie
  • Directe democratie

Bekende (ex-)leedn bewerkn

  • Boudewijn Bouckaert
  • Mimount Bousakla
  • Thierry Debels
  • Gino De Craemer
  • Jean-Marie Dedecker
  • Anne De Baetzelier
  • Martine De Graef
  • Martine De Maght
  • Patricia De Waele
  • Derk Jan Eppink
  • Ivan Sabbe
  • Monique Moens
  • Yves Muylle
  • Peter Reekmans
  • Lieve Van Ermen
  • Lode Vereeck
  • Jurgen Verstrepen
  • Ulla Werbrouck

Externe koppelienge bewerkn

Officeeln website