Legende van den Brugschn beir

De legende van den Brugschn beir, goat over d’ountvoerienge van Judith deur Boudewyn met den Yzern Oarm. Volgns de legende is den beir den oudstn beweuner van Brugge.

't Bertje van de Loge

Stadswoapn van Brugge ip d' oude Civiele Griffie ip de Burg

De legende

In de wienter van 861 ountvoerde Boudewyn Judith van West-Francië uut Senslis. Ze was de dochter van Karel den Kletsn, de keunienk van West-Francië.

Ze vluchtegn êest no de Vloanderngouwe. In de streke was ter ol e hêel ende e grôotn beir gesignaleerd buutn de meurn van Brugge.

On z’in de bussn van Beirnem kwoamn, wierdn z’overvolln deur e grôotn beir. ’t Was gin ysbeir, mor e bruunn beir die wit was deur de snêeuw.

Judith, die ook wit was, mo van schrik, stound te beevn ip eur bêenn teegn ’n boom. Ip ’t moment da den beir begost te brulln en rechte kwam ip z’n achterste pôotn vor an te volln, stak Boudewyn me z’n lanse, en den beir wierd zo krachtig deurbôord dat ’n vaste zat an den boom. Je brulde vo de latste ki.

Loater is d’Orde van de Wittn Beir, de ridderlikke steekspelverênigienge, gesticht in de Poortersloge. ’t Bild van ’t Bertje van de Loge stoa nog olsan in de gevel.

Den beir stoat ook in 't stadswoapn van Brugge.