Lia Linda
Lia Linda, geboorn Mireille De Buyser (Knokke, 17 moarte 1950) is e West-Vlamsche zangeresse.
Ze weunde toet an heur 16 joar an de kust en ze vertrok ton noar Antwerpn woa da z' in contact kwam met de "muziekscène". Ze won verschillige muziek-en zangconcours en ze wierd ountdekt deur Staf Permentier. In zyn gezelschap toerde ze 8 joar mee in 't circuit van de "Salamanders". Intusschn volgde ze stempedagogie en groeide ze uut toet en "all round artieste".
In 1983 won ze de Baccarabeker in de casino van Middelkerke. In 1985 won ze 't zangfestival van Malta en wierd heur lp "There'll always be a future" (gereleased in 17 landn) ip "Zomerhit" bekrôond vo beste Belgische produucsje. In 1986 en '87 ha z' heur eign tv-specials ("Lia Linda zingt Vera Lynn" en "Lia Linda in concert").
Tusschn 1990 en 1993 verblêef ze in Frankryk, Spanje en Duutsland en in 1994 startte ze e grôte Big Band-tournee. Vanof 1997 kêerde ze were en vormde ze tegoare met Albert e kluchtig duo in heur "Lachspirine"-show.
Sins 1982 is ze vier moandn ip e joar gastvedette ip luxe cruisescheepn met heur 12-toalig repertoire van chanson toet entertainment. Ze trad ook regelmoatig ip in 't Wit Peird in Blanknberge.
Ploatn bewerkn
- Lia Linda zingt Vera Lynn
- Levensecht
- Leven en Liefde
- Das Leben ist ein Roulette... faites vos jeux
- There'll always be a future
- Lachspirine (Lia Linda & Albert)