Lodewyk IV van West-Francië

Lodewyk IV bygenoamd van Overzêe of Transmarinus (Louis IV d’Outre-Mer in 't Frans) (Laon, 920 – Reims, 10 september 954), van de familie van de Karoliengers, was keunienk van West-Francië tusschn 936 en 954.

Je was de zeune van keunienk Karel de Simpeln en Eadgifu van Wessex. Zyn moeder was e dochter van den Iengelsche keunienk Edward den Oudern van Wessex en zyn twidde vrouwe Ælfflæd.

In 923 wierd Karel de Simpeln gevangn gezet deur Herbert II van Vermandois. Eadgifu vluchtte met heur zeuntje noar Iengeland, noar heur halfbroere keunienk Æthelstan, vandoa Lodewyk zyn bynoame van Overzêe.

In 936 kostn ze werekêern en wierd Lodewyk tout keunienk gekrôond.

Vrouwe en jounges

Lodewyk trouwde in 939 me Gerberga, dochter van Hendrik de Veugeloare en Mathilde van Ringelheim. Under jounges:

• Lotharius (941-986)
• Mathilde (943 - 992), in 964 getrouwd me Konrad I van Bourgondië
• Hildegarde (ca. 944)
• Karloman (ca. 945)
• Lodewyk (948 - 954)
• Karel van Neder-Lotharingen (953-991) (wordt de stichter van Brussel genoemd)
• Henri (953), twilliengbroere van Karel van Neder-Lotharingen, kort achter zyn geborte gestorvn.

Ofbeeldiengn die ier by passn ku je vien in de categorie Louis IV of France van Wikimedia Commons.