De Loire es e riviere in Vrankryk die mè oar lengte van 1006 kilomèiters de langste riviere van't land es. Ze strôomt van de zuudôostkantn van Vrankryk nôordwoarts noa 't midd'n van't land en buugt ton of noa 't westn vo uut te mound'n in d'Atlantische Oceoane.

Koarte van't Loire-bassin
De Loire by Orléans
Dat artikel goat over de riviere de Loire. Vo 't Frans departement, kykt noa Loire (departement).

De Loire lôopt deur de regio's Auvergne-Rhône-Alpes (de departementn Ardèche, Haute-Loire en Loire), Bourgogne-Franche-Comté (de departementn Saône-et-Loire, Allier en Nièvre), Centre-Val de Loire (de departementn Cher, Loiret, Loir-et-Cher en Indre-et-Loire) en Pays de la Loire (de departementn Maine-et-Loire en Loire-Atlantique).

De Loire èit oar bronne in't Centroal Massief by de plekke Sainte-Eulalie in d'Ardèche, an de voet van de Mont Gerbier de Jonc ip 'n ôogte van 1400 mèiters. Ze komm'n wel nie overêen in wukn brounne doar precis d'echte brounne van de Loire es. De Loire passeert an teffrente belangryke steed'n lyk Nevers, Orléans, Blois, Tours, Saumur en Nantes. Ip't latste vormt de Loire e lank estuoarium tusschn 't stee Nantes en oar moundienge. Uutendelyk moundt ze uut in d'Atlantische Oceoane (mêer bepoald de Golf van Biskaje) by de plekke Saint-Nazaire.

De belangrykste zyrivier'n van de Loire zyn d'Allier (410 km), de Cher (320 km), d'Indre (265 km), de Loiret (13 km), de Maine (12 km), de Vienne (372 km), de Thouet (142,5 km), d'Erdre (97,5 km) en de Sèvre Nantaise (142 km).

Wikimedia Commons