Lutgart Simoens
Lutgart Simoens (Yper, 25 meie 1928 - 15 novembre 2020) was e vroegere radiopresentatrice van de VRT. De bynoame van Lutgart Simoens is De Engel van Vlaanderen.
In 1949 wos ze ‘r deure voe ’t exoamn van de BRT en ze begoste te werkn by Radio Kortrijk. E joar loater veruusde ze na Brussel, moa ze kwaam moa goed bekend toen da ze by Omroep Antwerpen zat, van 1954 toet an neur pensioen.
Op 23 februoari 1969 begost ze mi Vragen staat vrij, e programma die nu nog ossan bestoat; iddern zundagnoavend ôor je de verzoeksjes van de luusteroars. Dikkers is ’t er doa e hêel vertellement by. Oek Platenpoets (vrydagnuchend) wos e grôot succes.
In 1984 krêeg Lutgart Simoens een exclusief interview mi keuniginne Fabiola. In 1993 gienk ze op neur 65 mi pensioen.
In 2004 is Lutgart Simoens openoomn in de Orde van ’t Manneke uut de Mane.
Z'is gestorven de 15sten novembre 2020.
Algemeen Nederlands bewerkn
Neur ouders kwaamn uut de Kempn en Ôost-Vloandern. Ze moestn Algemêen Nederlands klappn mi makoar of ze verstoegen makoar nieje. Dat is de verkloarieng va Lutgart Simoens voe ’t feit da ze Nederlands ku klappn zounder ênig accent.[1]
Bronn bewerkn
- ↑ Het Nieuwsblad, 14/05/2005: (...) Mijn ouders kwamen uit de Kempen en Oost-Vlaanderen. Ze moesten Algemeen Nederlands met elkaar spreken of ze begrepen elkaar niet. Maar ik kan best een mondje West-Vlaams, hoor. Dat heb ik vroeger op de speelplaats geleerd.