Maaike Cafmeyer

Maaike Cafmeyer (Toeroet, 27 moarte 1973) es een West-Vlamsche actrice.

Carrière

Maaike Cafmeyer es by het grôte publiek bekend gekoomn van eur rolle als vrouwe van Bart Depauw in Het geslacht Depauw ip één in 2004. Doarachter ei ze nog meegespeeld in de TV-reekse Aspe, de verfilmienge van de boekn van Pieter Aspe. Ze speelt ôok mee in de jeugdserie En daarmee basta! ip Ketnet.

In het tonêel es ze bekend van eur rolln in Het belang van Ernst en Huilend Hert gebrocht deur et Theater aan Zee in Ostende en Een ideale echtgenoot van Spelersgroep Ernst-Serieus in Brèènienge in 2006.

Z'eit ôok de stemme van Snêeuwwitje ingesprookn in de Nederlandstoalige versie va Sneeuwwitje in 2007.

In 2008 was Cafmeyer Beste Actrice Nationaal volgens de lezers van HUMO, die under stemme uutbrochten in Humo's Pop Poll. In 2009 was ze lid van de Raad van de Goud'ne Ploate in't televisieprogramma Hartelijke groeten aan iedereen.

In 2012 spilde Cafmeyer de rolle van Anne in Domino, e musical mê liedjes van Clouseau. Ze spilde oender andere mê Deborah De Ridder en Mark Tijsmans. In de één-quiz Twee tot de zesde macht zit Cafmeyer geregeld in e quiz-duo med'een andere bekende Vlamienk tegen tweê oenbekende duo's.

In 2013 was ze te ziên in't spelprogramma De neuze van Pinokkio.

In 2014 is ze te ziên in e Studio 100-musical over den Êestn Weireldoorloge genaamd 14-18.

Cafmeyer was twee joar getrouwd met de kunstenoare Klaas Ruysschaert. Tegoare met den Hollandsche cellist Frans Grapperhaus ei ze twee dochters.

Tv-series

2004-2005: Het Geslacht De Pauw, Maaike Cassiman
2005-2006: En daarmee basta! , Patsy Carlisse
2009: Mega Mindy, Vera Vriezer
2009: Code 37, Eva Meskens
2004-2011: Aspe, Carine Neels
2012: Tegen de Sterren op, gastrolle
2013: Zone Stad, Maya Soetens
2013: Danni Lowinski, Tina
2013: Eigen Kweek, Chantal Vantomme
2015: Bevergem

Films

2007: Formidable (Dominique Standaert), byrolle
2008: Loft (Erik Van Looy), Miriam Laureys
2010: Turquaze (Kadir Balci), Lieve De Meyer

Ofbeeldiengn die ier by passn ku je vien in de categorie Maaike Cafmeyer van Wikimedia Commons.