Hoofdmenu openen
De wyk Malo (in't rôo) ip e koarte van Duunkerke

Malo (Frans: Malo-les-Bains, Nederlands: Malo ofte Malo-aan-Zee) es nen wyk in de Franschn stee Duunkerke. De wyk ligt ande zêe anden ôostkant van Duunkerke-Centrum, tusschn 't centrum, de wyk Rozendoale en de gemêente Leffrinkoeke. Malo it en ippervlakte van 3,76 vierkante kilomèiters en der weun'n apeupri 16000 mienschn.

Malo ounstound in 1858 toenda de Duunkerkschn industriël Gaspard Malo e grôo leeg gebied van't stad an de duun'n ipkocht vo der landbouwground van te moakn. Toenda mislukte, verkoavelde ie em de ground en koest er ezo an verdien'n, woarachter der teffrente villa's wierdn ebouwd en Malo uutgroeide tout e badplekke me nen zeedyk, hotels en nen cazjeno. Malo wos tout 1891 en ounderdêel van de vroegere gemêente Rozendoale. Derachter wierd et e zelfstandige gemêente, totda't in 1970 by Duunkerke wierd gestookn.