Maurits Sabbe (theolôog)
Dat artikel goat over den theolôog Maurits Sabbe. Vo d'n gelyknoamign schryver, kykt noa Maurits Sabbe (schryver).
Maurits Sabbe (Tielt, 18 ogustus 1924 - Leuvn, 15 juni 2004) wos nen West-Vlamschn katholiekn paster, theolôog en ôogleroare.
Ne studeerde an't seminoarie van't Bisdom Brugge woar dat 'm de vierde moarte 1950 tout paster wierd geweyd. An den KU Leuven wierd ie licensioat in de filosofie en in de Bybelsche filologie. In 1953 oaldigde 'm z'n doctoroat in de godgelêerdeyd mè e proefschrift genoamd De apologieën van Paulus te Jeruzalem en te Caesarea ounder promotor Lucien Cerfaux. In 't zelfste joar wierd ie benoemd tout professor bybelexegese an't Brugsche seminoarie. In 1963 wierd ie benoemd tout êerekanunnik van de Sint-Salvator in Brugge. In 1966 wierd ie olftyds benoemd an't Ôoger Instituut vo Godsdienstweet'nschappn in Leuvn.
In 1967 wierd Sabbe benoemd tout ôogleroare an de faculteyt theologie van de KU Leuven. In't zelfste joar volgdigde ie Jozef Coppens ip lyk preezident van't Pauscollege. In 1968 richtte ie tôope mè Frans Neirynck de Vlamsche Bybelstichtienge ip. Ne wos ôok êen van de moteurn achter d'iprichtienge van de bibliotheke van de faculteyt theologie in 1974 in de De Bériotstroate neefest de Pieter De Somer-aula. Achter z'n dôod in 2004 wierd de bibliotheke in zyn êere ernoemd noar de Maurits Sabbebibliotheke.
Maurits Sabbe wos ôok den iprichter van e fonds vo studiebeurz'n vo Nederlandstoalige en Iengelstoalige student'n. D'n êestn 1 oktober 1989 gienkt 'n ip emeritoat.