Molecule

Dat artikel es geschreevn in 't Noordelik West-Vlams.

---

E molecule is en elektrisch neutroale groep van twêe of mêer atoomn die by mekoar g'hoedn wordn deur chemische biendiengn. 't Is 't kleenste dêeltje van e chemische stoffe die nog al d' eignschappn van die stoffe bezit. Molecules verschilln van ioonn deur hunder gebrek an elektrieke loadienge. 't Woord molecule komt van 't Latyn molecula (kleene massa).

Moleculemodel van Sacharose (C₁₂H₂₂O₁₁). Zwart: koolstofatoom (C), wit: woaterstoffe (H), rôod: zeurstoffe (O)

De chemische soamnstellienge van e molecule wordt weregegeevn door zyn chemische formule. Voorbeeldn:

• Woater (H₂O) bestoat uyt twêe woaterstofatoomn (H) en één zeurstofatoom (O)
• Methoan (CH₄) bestoat uyt één koolstofatoom (C) en vier woaterstofatoomn (H)
• Ethanol (C₂H₅OH) bestoat uyt twêe koolstofatoomn (C), zes woaterstofatoomn (H) en één zeurstofatoom (O)

Ofbeeldiengn die ier by passn ku je vien in de categorie Molecules van Wikimedia Commons.