Mont Ventoux

De Mont Ventoux is nen berg in 't zuudn van Vrankryk, juuste ten ôosten van de valleie van de Rhône. Hoewel dat 'n geologisch dêel uutmakt van 't ôostelyke dêel van d'Alpn is 't 'n enigste ôogn berg in de regio - zyn bynoamn zyn Le géant du Provence of De kale berg.

Topogroafische koarte van de Mont Ventoux

't Zyn der vele die peizn dat de noame e verwyzienge is noa de stravvn wind die boovn kan woaien (de mistral), want venteux wilt zeggn windering in 't Frans. Surtout aan de "col de tempêtes" juuste voorn top kan 't styf woaien en de boane over den top is vele geslootn wegens de stravvn wind. Mo de noame koumt eigentlik doa nie van. De noame is ol gekend in de 1e of 2e eeuwe achter Christus en zoudt genoamd zyn achter Vintur, de Gallischn god van de bergtoppn - oftwel zoudt de noame koumn van 'Ven-Top', wuk dat "besnêeuwdn bergtop" wilt zeggn in 't oud Gallisch. Vanaf de 10e eeuw verschynn noamn lik Mons Ventosus en Mons Ventorius.

Beklimmienge

De Mont Ventoux is 'n begrip in de vélokoerse. Êne kêe om de zoveel joar arriveert er een etappe van de Rounde van Vrankryk.

De beklimmienge vanuut Bédoin - hellingspercentoages in functie van den afstand langst de boane

Der zyn drie meuglyke maniern vo de Mont Ventoux ip te ryen in vélo: langst Bédoin (de "officiele", de westelyke kant), langst Malaucène (de nôordelyke kant) en langst Sault (de zuudlikke kant). De kantn van Bédoin en Malaucène zyn ongeveer even zwoar (Bédoin êest redelik vlak, ton noa boven zounder vele rustpuntn - Malaucène direct noa boven met ounder boane e poar vlakkere stikkn woarip de je kunt recupereren), de kant van Sault wordt vele de "mietjeskant" genoemd en is vele gemakkeliker dan de twee andere kantn ('t startpunt ligt honderden meter ôger en de boane is langer).

Winnoars beist de Rounde van Vrankryk

Beist de Rounde van Vrankryk ryen ze noa booven langst de kant van Bédoin.

Joar Winnoare Nationaliteit 1951 Lucien Lazarides  Vrankryk 1952 Jean Robic  Vrankryk 1955 Louison Bobet  Vrankryk 1958 Charly Gaul  Luxemburg 1965 Raymond Poulidor  Vrankryk 1967 Jan Janssen  Holland 1970 Eddy Merckx  België 1971 Gonzalo Aja  Spanje 1972 Bernard Thévenet  Vrankryk 1987 Jean-François Bernard  Vrankryk 1994 Eros Poli  Itoalië 2000 Marco Pantani  Itoalië 2002 Richard Virenque  Vrankryk 2009 Juan Manuel Gárate  Spanje 2013 Chris Froome  Verênigd Keunienkryk 2016 Thomas De Gendt  België 2021 Wout van Aert  België

Populair by de Vloamiengn

De Mont Ventoux en de streke derround is populair by de Vlamsche touristn - iederêen kent wel 'n twiene die der ol ne kêe ip gestoan it, of dat nu in voiture of in vélo wos.

Ofbeeldiengn

• 
  Monument vo Tom Simpson
• 
  De Fontaine de la Grave - in 't moanlandschap
• 
  't Weerstation ip den top, den toorn kun je van styf verre in d'oumgevienge zien
• 
  De Chalêt Reynard - ip km 15 van de 21,5 vanuut Bédoin, 't begun van 't moanlandschap

Ofbeeldiengn die ier by passn ku je vien in de categorie Mont Ventoux van Wikimedia Commons.