Nôord-Germoansche toaln
De Nôord-Germoansche toaln vormn t'hope met de West-Germoansche toaln en d' uutgestorvn Ôost-Germoansche toaln (Bourgondisch, Gotisch, Vandoals), êen van de drie takkn van de Germoansche toaln, 'n oenderfamilie van d' Indo-Europeesche toaln.
Scandinoavische toaln (vasteland): ██ Deens ██ Noors ██ Zweeds Nôord-Germoansche toaln (eiland): ██ Yslands en Faeröers
De Nôord-Germoansche toaln of ook wel de Scandinoavische toaln zyn 't Deens, 't Noors (Bokmål en Nynorsk), 't Zweeds, 't Yslands en 't Faeröers. Ze wordn surtout in Scandinoavië gesprookn deur oengeveer 20 miljoen menschn.
De Nôord-Germoansche toaln zyn nauwer verwant met d' uutgestorvn Ôost-Germoansche toaln of mè 't West-Germoans. 't Nôord-Germoans is bekend van 't styf oud runenschrift.
De Scandinoavische toaln van 't vasteland (Deens, Noors en Zweeds) zyn oender mekoar redelyk goed verstoanboar. Deens en Bokmål trekkn zelfs zo sterk ip mekoar, dan sommigte toalkundign z' anzien lyk dialectn van dezelfste toale.
Sommigte toalweetnschappers beweirn da 't Ingels van nu ook dêel uutmakt van de Nôord-Germoansche toalgroep in plekke van de West-Germoansche groep. In ieder geval wierd 't Oudingels sterk beïnvloed deur 't Oudnoors, de toale geklapt deur de Vikings.