Odin is den ippergod by de Germoann. De Zuud-Germoann noemdegen em Wodan. J'is de zeune van Borr, die de zeune was van Buri, en van Bestla, die de dochter was van 'n reus. Ze vrouwe was Frigg. Odin was ook nog de god van de wyseid, de tovenoarye en de dichtkunste.

Odin

't Ope me z'n broers Wili en We aat y den oerreus Ymir versleegn en mè zyn lichaam en z'n bloed en ze Midgard, de weireld van de menschn gemakt.

Odin a styf veel naamn. Soms noemdegen z'em de Wandeloare omdan der styf veel veraaln zyn woarin dat y over de weireld roundlopt, geklêed in 'n blauwe mantel en 'n oed met 'n sloppe board ip ze kop, en ounverwacht ipduukt woa dan ze em nodig en. Een andre name was Êenôge omdat y een ôge ipgofferd aat an Mimir, den bewaker van de bronne van de wyseid, vor van die bronne te meugen drienkn.

De Zuud-Germoansche variant Wodan eet de name gegeevn an den dag die z'n name draagt, noamelik oensdag of woensdag (Iengels: Wednesday, Fries: woansdei).