Hoofdmenu openen
Dit artikel es geschreevn in 't Poperiengs, en da zou best ozô bluuvn.

Oeze-Vrouwn

Oeze Vrouwn (officieel: Onze-Lieve-Vrouwekerk) is êen van de drie kerkn in Poperienge. Ze stoat in de Casselstroate. 'n Bouw van de kerke is begunn in 1290, moa 't deurde toet 1490 vôorn da ze d'r uutzage lik nu.

De styl van Oeze Vrouwn is gotiek; de veinsters zyn spitsboogn. De tôorn is 70 meiters oge. De kerke is doamei - qua ogte - de 31ste in België, en de 8ste in West-Vloandern. 't Groendplang van Oeze Vrouwn is 't zelfste lik Sinte-Beirtns.

't Meubilair va binn is surtout rococo-styl (roend 1750). De beeldn dateern van 'n 17ste-19stn êeuw. Schône schilderyn zyn oender anger:

Heilige Drievuldigheid va Gerard Seghers (begun 17sn êeuw)
Jezus aan het Kruis va Jan van Ieper (18sn êeuw)