Onze-Lieve-Vrouwe van Meetkerke

Onze-Lieve-Vrouwe van Meetkerke is e miraculeus Mariabeeldje dat in d' Onze-Lieve-Vrouwekerke van Meetkerke stoat.

Onze-Lieve-Vrouwe van Meetkerke

Legende

Volgns de legende hen der Blanknbergsche visschers in de 16ste êeuwe e Mariabeeldje uut de zêe ipgevist. Ze zettegn 't in e kapelletje by 't strange moa de volgndn dag lag 't beeldje were buutn in 't zand. De visschers hen 't ton noa de kerke van Uutkerke gebrocht moa den dag derachter lag 't were ip 't strange en 't zelfste gebeurde achter dan ze 't in de kerke van Vlissegem gezet han.

Ten ende road hen ze 't beeld vastegeboundn ip de rik van een ezel en de bêeste loatn loopn deur de Polders. Uutendelik is 't gestopt vo de kerke van Meetkerke en doa stoat 't beeld nu nog alsan.

Visschersbedevoart

Ieder joar de zundag achter Ons-Hêer-Hemelvoart ist er sedert 1861 e bedevoart van de Blanknbergsche visschers. Ze kommn 's nuchtens vroeg te voete van Blanknberge noa Meetkerke en droagn ton 't beeld round in 't dorp ip under schoern. Round 't joar 1900 hen z' e model van e Blanknbergs schip an de kerke gegeevn. Den band tusschn Blanknberge en Meetkerke het alsan bluuvn bestoan.

• 
  Miraculeus beeldje in de kerke van Meetkerke
• 
  Blanknbergs gebed by 't beeldje
• 
  Ipschrift an de ingank van de Sint-Rochuskerke van Blanknberge

Ofbeeldiengn die ier by passn ku je vien in de categorie Onze-Lieve-Vrouw-Hemelvaartkerk (Meetkerke) van Wikimedia Commons.