Paraguay
| Republiek Paraguay República del Paraguay Paraguái Tavakuairetã | |
|---|---|
|
|
 Paraguay in Zuud-Amerika | |
| Officiële toale | Spoans, Guaraní |
| Hoofdstad | Asunción |
| Stoatsvorm | Republiek |
| Stoatshoofd | President: Mario Abdo Benítez |
| Êerste minister | |
| Ippervlak | 406.752 km² |
| Inweuners | 7.453.695 (2022) 17,83 inw./km² |
| Munte | Guaraní (PYG) |
| Tydzone | UTC -4 |
| Landcode | PY, PRY |
| Telefongcode | 598 |
| Internet-TLD | .py |
| Nationale fêestdag | 15 meie |
Paraguay, officieel de Republiek Paraguay (Spoans: República del Paraguay; Guaraní: Paraguái Tavakuairetã), is e land in centroal Zuud-Amerika. 't Grenst in 't nôordn an Bolivië, in 't ôostn an Brazilië en in 't zuudn en 't westn an Argentinië. 't Land is vernoemd noa de Paraguay-riviere. Den hoofdstad is Asunción.
't Land is relatief vlak. Den hoogstn berg is de Cerro Peró (842 meter). 't Lêegste punt ligt ip de plekke woar dat de riviern Río Paraguay en Paraná t'hopekommn, de grotste riviern van 't land.
Paraguay wordt deur de Río Paraguay gedêeld in twêe gedifferentieerde geografische regio's. Den ôostelike regio (Región Oriental) bestoat vornoamelik uut grasryke vlaktes en beboste heuvels. De westelike regio (Región Occidental), ook bekend lik de Chaco die dêel uutmakt van de Gran Chaco, bestoat uut lêge moerassige vlaktes.
De bevolkienge van Paraguay is oengelykig verdêeld over 't land. D' overgrôte mêerderheid van de menschn weunt in d' ôostelike regio roend den hoofdstad en grotste stad Asunción, die goed is vo 10% van de bevolkienge van 't land. In de Chaco die oengeveer 60% van 't groendgebied besloat, weunt minder of 2% van de bevolkienge. Omtrent 56% van de Paraguayoann weunt in stedelike gebiedn.
In Paraguay zyn der twêe officiële toaln: Spoans en Guaraní. Paraguayoann zyn vo 't grotste dêel mestiezn, noazoatn van indioann en Spoansche immigrantn. In de Chaco leevn ook mennonietn die in de joarn 1920 g'emigreerd zyn en kolonies gesticht hèn in 't nôordwestn van 't land. De gemêenschap stoat bekend vor hunder strikte geloofsregels. Ze klappn Plautdietsch en z' hèn 'n hoge groad van autonomie.
|
Ofbeeldiengn die ier by passn ku je vien in de categorie Paraguay van Wikimedia Commons. |
| {{{ofb_links}}} | Landn in Zuud-Amerika | {{{ofb_rechts}}} | {{{ofb_groot}}} |
|---|---|---|---|
|
Argentinië • Bolivië • Brazilië • Chili • Colombia • Ecuador • Guyana • Paraguay • Peru • Suriname • Uruguay • Venezuela |