Paravang
De Paravang is één van de gekendste pleksjes van Blanknberge. De noame komt van 't Frans: paravent. 't Is e windscherm mè zitbankn woa dat de Blanknbergenoars en de toeristn kunn genietn van 't zicht ip de jachthoave en 't Leopoldpark.
De Paravang dateert uut 1908. 't Gebouw uut de Belle-Epoqueperiode rappelleert an 't elitair kusttoerisme van 't begun van de 20e êeuwe. De dakbedekkienge is uutgewerkt in neogotischn trant en 't ziet er e bitje Ôosters uut. 't Bestoat uut geglazeurde daktichels me schelpmotief.
In 2002 is de Paravang hêlegans gerenoveerd.
Paravangfêestn
bewerknIeder joar zyn der paravangfêestn ip den êeste zundag van ogustus. De folkloregroep "De Vrye Visscherye" demonstreert ton oude ambachtn en je kunt proeven van vasche vis. Der zyn ook volksspelen en iptredens van volksdansgroepn die verklid zyn in de typische kledye van de vroegere lokale visschersbevolkienge. Ook goan de Blanknbergsche reuzen ton uut.