Patrick Lefevere

Patrick Lefevere (Môoslee, 6 januoari 1955) es ne vroegern coureur, die surtout bekend es gekommn als sportdirecteur va grôte ploegn lik Mapei (joarn '90) e Quick·Step-Davitamon (nu Omega Pharma Quick·step). Oender zyn leidienge rêedn en ryn d'r bekende coeureurs lik Johan Museeuw, Tom Boonen, Michele Bartoli, Paolo Bettini e Frank Vandenbroucke. Patrick Lefevere es anno 2006 ôok vôorzittre van Verenigienge van Internationoale Profploegn en lid van d'UCI-comisje tegen dopinge.

Dit artikel es geschreevn in 't Môoslees, en da zou best ozô bluuvn.

Patrick Lefevere duft oltemets stravve uutsproakn doen. Latst ètn Tour-winnoare Floyd Landis uutgemakt achter zyn vermêend dopinggebruuk.

In januari 2007 komt er een reke artikels uut in de gazette Het Laatste Nieuws woarin da Lefevere zwoar beschuldigd es van 't organiseern van dopinge by zyn coureurs. Lefevere start 'n zoake vo 't gerecht tegen de gazette. 't Verhoal angt met oakn en ôogn an mekoar en stoat vul met leugens, zegt ie.

Profcarrière als coureur

1976: by Ebo - Cinzia
1977: Ebo - Superia
1978 en '79: Marc Zeepcentrale - Superia

Overwinniengn

1975: 4de etappe Olympia's Tour (by de liefebbers)
1976: De Panne; Merelbeke
1977: Gullegem; Maaslandse Pyl
1978: Kuurne-Brussel-Kuurne; 4de etappe Rounde van Spanje; Westrozebeke
1979: Omlôop van de Grensstreke

Carrière als ploegleidre

Olverwege 't sezoen '79 stopte Lefevere als coureur en wierd adjunct-sportdirekteur by de ploeg woa dat ie koerste, Marc Zeepcentrale. Je lêert de stiel als adjunct van Walter Godefroot bij Capri-Sonne en Lotto. Je wordt ploegleidre by Mapei - GB, da loatre Mapei - Bricobi en Mapei - Quickstep wordt. Doarachter begunt ie als manager van Quickstep - Davitamon.

Externe koppelienge

Patrick Lefevere up De Wieler Site

Bronn

Ofbeeldiengn die ier by passn ku je vien in de categorie Patrick Lefevere van Wikimedia Commons.