Peloponnesos

De Peloponnesos (Grieks: Πελοπόννησος, Pelopónnèsos) is 't grotste schiereiland van Grieknland en 't ligt te zuudn van 't Grieks vasteland. 't Wordt dervan gescheid deur de Golve van Korinthe en de Saronische Golve en dermee verboendn deur de landengte van Korinthe woar da 't Kanoal van Korinthe deurelopt. Doarmee is de Peloponnesos hêlegans omgeevn deur woater. D' ippervlakte van 't schiereiland bedroagt 21.549 km² en der zyn 1.155.019 inweuners (2011).

Ligginge van de Peloponnesos in Grieknland

Detailkoarte

Peloponnesos is genoemd achter de Griekschn held Pelops. 't Woord nèsos wil eiland zeggn. By d' uytsproake van de Grieksche noame Pelopónnèsos ligt de klemtôon ip de derde lettergrepe. Sedert de middelêeuwn wordt de Peloponnesos ook wel Morea genoemd.

Peloponnesos is ook de noame van êen van de dertien periferien van Grieknland (regio's). Die regio besloat moa drie quart van ’t schiereiland. 't Nôordwestn makt dêel uyt van de periferie West-Grieknland en e klêen gedêelte in 't ôostn valt ounder Attika.

Ofbeeldiengn die ier by passn ku je vien in de categorie Peloponnese van Wikimedia Commons.