Plooivleugelwespn
| Plooivleugelwespn | |||||||||
|---|---|---|---|---|---|---|---|---|---|
 Duytsche wespe (Vespula germanica) | |||||||||
| Taxonomische indêlienge | |||||||||
| |||||||||
| Familie | |||||||||
| Vespidae Latreille, 1802 |
De plooivleugelwespn (Vespidae) zyn e grote familie van de wespachtign (Vespoidea) mè bykan 5.000 soortn, woaroender bykan al de bekende sociale wespn en vele solitaire wespn.
Elke sociale wespnkolonie omvat e keuniginne en e deel werksters. By vele soortn goan de kolonies meestal moar één joar mee en stervn an 't begun van de wynter. Nieuwe keuniginn en ventjes (darn) wordn geproduceerd teegn 't ende van de zomer. Achter 't poarn overwyntern de keuniginn ip e beschutte plekke. De nestn van de meeste soortn zyn gemakt van slyk, moa sommigte gebruykn plantoardige vezels. Vele soortn zorgn vo de bestuyvynge van verschillige plantn.
Plooivleugelwespn dankn hunder noame an de geplooide vleugels, die ipgeplooid wordn in rust, woardeure dan ze der styf smal uytzien. De lengte van hunder lyf varieert van 0,4 toet 3,6 cm. Ze zyn bykan allemolle zwart mè gelwe striepn en ze kunn pynlyk stekn.
Oenderfamilies
bewerkn- Eumeninae: Leemwespn (solitaire), bykan 200 geslachtn
- Euparagiinae: 9 soortn uyt zuydelyk Noord-Amerika
- Masarinae: Zeemwespn (solitaire), 12 geslachtn
- Polistinae: Veldwespn (sociale), woaroender geslacht Polistes
- Stenogastrinae: Hangwespn uyt Azië
- Vespinae: Echte wespn (sociale), woaroender geslacht Vespula