Poorter

'n Poorter is 'n middelêeuwse benaminge vo 'n inweuner van 'n stad die poortersrechtn èt.

Hoe word je 'poorter'?

Het poorterschap wos erfelik in mannelikke lyne. 'n Nieuwen inweuner kost poorter wordn

• deur te trouwn met 'n dochter van 'n poorter
• deur minstens 'n joar en 'n dag in 't stad te weunn en belasting te betoaln
• deur 'poortersgeld' te betoaln, woadeure da je direkt poorter wos. 't Bedrag verschilde van tyd tot tyd en van stad tot stad. 'n Vloamink moest mêestal minder betoaln dan 'n buutnlander.

Nut

• Vôorrechtn up gerechtelik vlak.
• Poorter wordn wos van grôot belang: vo hêel vele beroepn of ambachtn te meugn uutoefnen, moest je poorter zyn (brouwer, bakker, metsenoare, goudsmed, ...).
• Vrystellinge van tol in hêel Vloandern.
• Werkn vo 't stad en zeetln in 't stadsbesteur is ollêne vo poorters.