Pro Deutschsprachige Gemeinschaft
Pro Deutschsprachige Gemeinschaft, ofgekort ProDG (Pro Duutstoalige Gemêenschap), vodien PJU-PDB, is e Belgische regionalistische polletieke partie van de Duutstoalige Gemêenschap die gesticht is in juni 2008. Hunder profiel is gebaseerd ip 't principe van openheid, vry van ideologische beperkiengn en ounofhankelyk van e Woalsche moederpartie. Ze streevn noar e België van vier gelykweirdige regio's: Vloandern, Wallonië, Brussel en de Duutstoalige regio.
De partie zetelt in de gemêenschapsroad van de Duutstoalige Gemêenschap in Eupn. Sinds 2014 levern ze de minister-president van de Duutstoalige Gemêenschapsregerienge Oliver Paasch en de minister van Ounderwys en Weetnschappelyk Ounderzoek Harald Mollers (tot 2024). Europees zyn ze lid van d' Europeesche Vrie Alliansje (EVA).
Vôorzitters
bewerkn- 2008-2013: Oliver Paasch
- 2013-2018: Clemens Scholzen
- 2018-2020: Lydia Klinkenberg en Petra Schmitz
- sedert 2020: Liesa Scholzen en Elke Comoth