René De Clercq
| Dat artikel ier is nog moa e klêen begun. Ge zyt g'inviteerd vôor ip bewerkn te klikkn vo mêer encyclopedische kennisse toe te voegn. | 
|
René Desiderius De Clercq (Deirlyk, 4 november 1877 - Maartensdyk, 12 juni 1932) was ne West-Vlamse schryvre, dichtre, politiek activist en componist.
_-2.JPG)
In 1896 gingt ie êest geneeskunde studeern an d' Universiteit van Gent moa je schoakelde ol zêre over noa Germoanse filologie. De Clercq rakte via Emmanuel Bom betrokkn by et literair tydschrift Van Nu en Straks en in 1901 was 't ie voorzittre van Rodenbach's Vrienden, Toalkundig Studentengenootschap, da Julius Mac Leod steunde in zyn stryd vo vernederlandsinge van 'n universiteit. In Gent richtte ie me Gustaaf De Smet 't Algemeen Kunstverbond voor Beide Vlaanderen ip, e culturele verêniginge vo de "kunst der letteren en beeldende kunsten".
Deur 'n Duutsn invol in augustus 1914 vlucht De Clercq noar Holland, woa dat ie an de Belgische schole in de Van Ostadestroate in Amsterdam lesse ging geevn. Je werd redacteur van 't tydschrift "De Vlaamsche Stem", e blad dat in februoari 1915 werd ipgericht vo Belgn van Vlamse ofkomst. Je schryft er Belgicistische gedichtn in woarin dat 'n de Vlamse ontvoogdinge verdedigt. Moar achter een ende werd et blad, woavan dat ’n hoofdredacteur was tegoare mè Antoon Jacob, een anti-Belgisch tydschrift. Keunink Albert I zorgt er doarom zelve vôorn dat ie gin lesse mi mag geevn en et blad nie mi mag geleezn weirn an 't Yzerfront. Doadeure komt et blad in geldnood.
Tot zyn dôod èit De Clercq geschreevn over de Vlamse literature en èit 'n geregeld toespraakn doarover g'houdn.
Ip 54-joarige leeftyd ist 'n gestorvn in Maartensdyk. Viftig joar achter zyn dôod ist ’n herbegroavn in zyn geboorteplekke Deirlyk, woa dat er een museum en een grafmonument is voor hem.