Robert I van Bourgondië

Robert I van Bourgondië, bygenoamd den Oudn (Frãns: le Vieux of Tête-Hardi), (ca. 1011-21 moarte 1076), was hertog van Bourgondië van 1032 tout 1076. Robert was e zeune van keunienk Robert II van Vrankryk en Constance van Arles.

Robert I van Bourgondië
1011-1076
Hertog van Bourgondië
Periode1032-1076
VôorgangerHenri I
IpvolgerHugo I
VoaderRobert II van Vrankryk
MoederConstance van Arles

Hy en zyn broere Henri I rebelleerdn teegn under voader achter 'n dôod van under oudste broere, Hugo Magnus, in 1025. Achter 'n dôod van under voader in 1031 vocht Robert teegn zyn broere Henri vo d'ipvolgienge van de trôone. Je wierd doaby gesteund deur zyn moeder Constance van Arles. In 1032 kwoamn ze overêen da Robert 't hertogdom Bourgondië krêeg.

Zyn zeuns me zyn êeste vrouwe Helie van Semur kostn hem nie ipvolgn, want ze stierven nog vor under voader. Robert wierd ipgevolgd deur zyn twi klêenzeuns. Zyn twi oudste zeuns woarn:

  • Hugo (1034–1059), gestorvn in e gevecht
  • Henri (1035–ca.1074). Zyn oudste zeune, Hugo I (1057 - 29 ogustus 1093) was hertog van Bourgondië van 1076 tout 1079. Zyn twidde zeune Odo I (1060-1102) van 1079 tout 1102.