Robert I van West-Francië

Robert I (15 ogustus 866 - Soissons, 15 juni 923) was van 922 toet 923 keunienk van West-Francië (loater Vrankryk). Je was de joungste zeune van Robert de Sterkn, de groaf van Anjou, van de familie van de Robertynn.

Zyn broere, Odo van Parys, was ook keunienk van West-Francië gewist van 888 toet 898, en de Karolienger Karel de Simpeln haad hem ipgevolgd. In de plekke krêeg Robert de belangrykn titel van Dux Francorum of Hertog van de Frankn. Je krêeg ook verschillige groafschappn w.o. et groafschap Parys en et markgroafschap Neustrië en ook verschillige abdyen, en je blêef et nôordn van Francië verdeedign teegn de Vikings.

Robert I is in 923 gesneuveld in de Slag van Soissons teegn Karel de Simpeln, die doarip gevangn gezet wierd. Je wierd ipgevolgd deur zyn schonzeune Rudolf van Bourgondië.

Vrouwn en jounges

Mè zyn êeste vrouwe Aélis/Adèle van Maine:

• Adèle, getrouwd mè Herbert II van Vermandois

Mè zyn twidde vrouwe Beatrice van Vermandois, dochter van Herbert I van Vermandois:

• Emma van Vrankryk, getrouwd mè Rudolf van Bourgondië
• Hugo de Grôotn, voader van Hugo Capet
• Richilde