Robert Van de Walle
(deureverweezn van Robert Van De Walle)
Robert Van de Walle (Ostende, 20 meie 1954) is e West-Vlamschn exjudoka. Je weunt in Stuvejeskerke, dêelgemêente van Diksmude.
Van de Walle gerakte styf vroeg bezeetn van de judosport. Ost 'n zeevntien joar oud was, ist 'n noa Japan gegoan vor hem te verbetern in zyn sport. In dien tyd wast 'n al Belgisch kampioen by de juniors. Vo zyn reize te kunn betoaln ist 'n êest goan werkn in d' hoogovens in de Woaln.
Van de Walle he meegedoan an vuuf Olympische Speeln en j’ het ook medailles gewonn ip e hêel dêel Europeesche- en Weireldkampioenschappn.
Je was Sportman van 't joar in 1979 en 1980.
In 1985 het 'n 't Resourcement Centre in Stuvejeskerke ipgestart, woa dat 'n werkt als mentale coach vo bedryvn.
Palmares
bewerkn- Olympische medailles
- WK medailles
Zilver (-95 kg) ip 't WK in Parys in 1979.
Brons (open categorie) ip 't WK in Maastricht in 1981.- Zilver (-95 kg) ip 't WK in Maastricht in 1981.
- Brons (open categorie) ip ’t WK in Moskou in 1983.
- Brons (-95 kg) ip 't WK in Moskou in 1983.
- Brons (-95 kg) ip 't WK in Seoul in 1985.
- Brons (-95 kg) ip 't WK in Belgrado in 1989.
