Roland Devolder
Roland Devolder (Ostende, 1938) is een West-Vlamsche kunstschilder, etser en beeldouwer.
Je studeerde an de Academie van Gent. Je wierd geselecteerd vo de prys Jeune Peinture Belge (1972) en de Europaprys vo Schilderkunst (1973).
Roland Devolder debuteerde in 1960. Z’n werk wordt magisch realistisch genoemd moa zelve et ’n doa noois by stille gestoan.
Van 1975 tout 1995 gaft ’n lesse in etsn an de Kunstacademie van Ostende.
Je têeknt, schildert en etst menschn: acroboatn, stroatmuzikantn, carnavalstoetn, clochards, vismarchangs, sloapwandeloars, strangelopers, meisjes...Ook vis is een belangryk ounderwerp. Z’n werk ziet er melancholisch en mysterieus uut. Je schildert vele in zwart-wit en gebruukt weinig kleur. Zelve zegt ’n dat ’n gêen colorist is moar een tonalist. Kleur is oundergeschikt an de tonaliteit van ’t doek. Je werkt met Chinese inte, aquarel, houtskole, acryl of een combinoatie van techniekn.