Slag by Westrôzebeke
De Slag by Westrôzebeke is nen istorischn veldslag beist den Ounderdjoarigen ôorlog. De Slag by Westrôzebeke is uutgevochtn gewist ip 27 november 1382 ip de Goudberg tussn Westrôzebeke en Passchendoale.
Verlôop
bewerknDe Vlamse steedn, en Gent in 't byzounder, laagn sinsn 1370 in ruze mè de Groaf van Vloandern Lodewyk II van Male. Omda 't ie allêne ni kost oaln, vroeg de groaf ulpe an keunienk Karel VI van Vrankryk. Karel VI wos nog e kind en den eigentlikken boas van Frankryk was Filips den Stoutn. Dien Filips was getrouw mè de dochter van Lodewyk: Margaretha van Male. Ne zat ip da moment Oudenoarde te belegern, mo kwam egliek of.
't Smoarde en de Fransche zettn under in e vierkant ip e berg en lietn 't voetvolk anvolln no den andere berg woada 't leger van de Vlamse steedn van Filips van Artevelde stound. 't Frans voetvolk kost ze gin mêester en moest ipgeevn. Van Artevelde peisde dat 'n an 't winn was en viel zelve an. Doadeure koste 't Franse peirdevolk under ipzyds anvolln. D'achterste Vloamiengn panikeerdn en scheurdn under piste.
De reste van de Vloamiengn zettn under in e rounde, mo wiern achteruut gedreevn. Nog e dêel koste vluchtn en de reste zat ip den deur zodoanig ip en oop, dan ze zelfs ni mè kostn vichtn. Filips van Artevelde sneuvelde en 't was gedoan.
Gevolgn
bewerknDe Fransche wonn en in 't werekêern, plunderdn ze nog 't êen en 't ander. Azoa zyn Manten en Kalle van 't alletoorntje van Kortryk in Dijon gerakt, woar dan ze nu nog zyn.
Moa vo de rèste èt under overwinnienge nie vele upgebrocht. Da komt omda de Fransche de bloeiende economie van Gent te styf nodig addn en nietn diervn ounderneemn teegn d'upstandige Gentenoars. Die rebellie èt gedeurd tout de Vrede van Doornik in 1385.
Rôo lint rond West-Rôzebeke
bewerknRedelik kort achter de slag, wierd er in Westrôzebeke ol verteld dat Onze-Lieve-Vrouwe 't dorp gered adde van plunderingn van de Franschke. Z'ad dadde gedoan deur e rôo lint rond de prochje te spann, woadan de Franschke nie over kostn. Onze-Lieve-Vrouwe wordt nu nog ossan specioal verêerd in Westrôzebeke.