Hoofdmenu openen
Lokoasje van de Sont binn'n Europa
Koarte van de Sontregio

De Sont (Dêens: Øresund, Zwêeds: Öresund) es êen van de drie zêestroatn die't Kattegat (en dus ôok de Nôordzêe) verbiendt me d'Ôostzêe (neffest den Grôotn Belt en den Klêen'n Belt). De Sont vormt 't schee'n tusschn 't Dêensche eyland Seeland en 't Zwêedse vasteland (mêer precis de regio Skåne). Den deurgang es ip zyn nauwst 4,5 kilomèiters en 't es êen van de drukst bevoarn woaterweugn in de wèireld. In de Sont liggn 't Zwêedsche eyland Ven en de Dêensche eyland'n Saltholm en 't artificiëlle Peberholm.

De Sont et olsan ol e grôo strategisch belang g'ed, wa duudelyk te ziene es an de twêe burchtn die 't smolste punt dervan bewoakn: an Dêensche kant by Helsingør 't kastêel Kronborg en an Zwêedsche kant Helsingborg. De keuniengn van Deenemarkn wierdn in tydde rykke van de Sont-tol die ze vanof 1429 heevn.

Ip 8 november 1658 vound den Slag in de Sont plats, nen zêeslag e bitje o de zuudkant van Koopnoagn. By dien zêeslag ad de Republiek der Nederlandn ulpe geboodn an d'oumsiengelde Dêensche keunienk Frederik III in zynne stryd teegn Karel X Gustaaf van Zweedn die in dien tyd de Sont ad g'attakeerd.

Sedert 'n êestn juli 2000 es ter e brugge van apeupri 9 kilomèters over de Sont die ezo Koopnoagn verbiendt me Malmö.

Wikimedia Commons