Busschn van 't westlik Kanadeesch Schild

Ekostreeke uut 't Nearctis in 't bioom van de boreoale busschn

De Busschn van 't westlik Kanadeesch Schild, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloa 545 900 km² [1][2][3]. Ze maakn dêel uut van 't bioom de boreoale busschn of de tajga van nôordlik Kanada.

Liggienge van d' ekostreeke in Nôord-Amerika.
Liggienge van de boreoale busschn in de weirld.
Meur van rotsn in 't Provinsjoal Park Woodland Caribou.
D' Otter-versnelliengn gezien in zuudlikke richtienge vanip de brugge oovre de Churchill-Rieviere in Saskatsjewan .

Beschryvienge bewerkn

't Gebied bestoat uut golvnde euvels mê zowêl klêene of grôote mêern, moerassn, en rotspartyjn ip 't Kanadeesch Schild in nôordlik Saskatsjewan, nôordlik-sentroal Manitoba (te nôordn en ten ôostn van 't Winnipeg-Mêer) en nôordwestlik Ontario. Byzoendre gebiedn zyn 't Provinsjoal Park Athabasca-Zandduunn, en vêele mêern lik Meer Cree, Mêer Upper Foster en Mêer Reindeer in Saskatsjewan. 't Gebied êt e koed kliemoat, styf koed in de wientre aloewêl da d' euvls roend Mêer Seul warmdr en nattr zyn os de rêste van d' ekostreeke, binst da d' Athabaska-Vlakte en d' ooglandn roend de Churchill-Rieviere en de Hayes-Rieviere koeldr zyn. Dr zyn oovraal plekn mê permafrost [4].

Plantn-weirld bewerkn

't Grotste dêel van 't landschap, woaroendre ook de Athabaska-Vlakte, wordt gevormd deur boreoal bus da zô veele van Kanada bedekt ip die brêeteliggienge, en da bestoat uut zwarte sparre (Picea mariana), Banks-pynboom (Pinus banksiana), Ameriekoansche roatlpopliere (Populus tremuloides), papierberke (Betula papyrifera), boalsm-popliere, witte sparre (Picea glauca), en boalsm-denne (Abies balsamea). D' oovrêersnde boom van de moerassn is zwarte sparre, binst da de rotspartyjn bedekt zyn mê korstmossn.

Bêestn-weirld bewerkn

Zoogbêestn van d' ekostreeke omvattn eeland (Alces alces), Ameriekoansche zwarte beir (Ursus americanus), buskarieboe (Rangifer tarandus caribou), arktiesche karieboe (Rangifer tarandus arcticus), Kanadeesche lynx (Lynx canadensis), grysde wolf (Canis lupus), Kanadeesche beevre (Castor canadensis), Kanadeeschn ottre (Lontra canadensis), Ameriekoansche martre (Martes americana), êrmelyn (Mustela erminea), vismartre (Martes pennanti), Muuskuusratte (Ondatra zibethica), snêewschoe-oaze (Lepus americanus), nôordlikke rosse woelmuus (Myodes gapperi), Ameriekoansche rôo êekôorn (Tamiasciurus hudsonicus) en klêene sjipmunk (Tamias minimus).

Veugls omvattn êendn, ganzn, witte peeliekoane (Pelecanus erythrorhynchos), Kanadeesche kroanveugle (Grus canadensis), bus-snêew-oene (Falcipennis canadensis), steeklsteirt-oene (Tympanuchus phasianellus), moeras-snêew-oene (Lagopus lagopus), Ameriekoanse nachtzwoaluuwe (Chordeiles minor), rôosteirt-buuzrd (Buteo jamaicensis), roave (Corvus corax), ysduukre (Gavia immer), Ameriekoansche zêeoarend (Haliaeetus leucocephalus), Kanadeesche tajga-goaje (Perisoreus canadensis), sperwer-uul (Surnia ulula), Ameriekoansche oehoe (Bubo viriginanus), Ameriekoansche zilvr-mêewe (Larus smithsonianus) en geôorde oalscholvre (Phalacrocorax auritus).

Bedreigiengn en beschermienge bewerkn

't Grotste stik van de nateurlikke busschn bluuft oengerept woaby da de mêeste verandrienge gebeurd is in Manitoba deur den oetkap, deur mynbow en vôortbriengienge van illetriek mê woatre-kracht. Beschermde gebiedn omvattn Provinsjoal Park Opasquia, Provinsjoal Park Woodland Caribou en Provinsjoal Park Pipestone River in nôordwestlik Ontario, Provinsjoal Wildernisse Park Atikaki in ôostlik Manitoba, en Mêer la Ronge en Provinsjoal Park Athabaska-Zandduunn in Saskatsjewan.

Zied ook noa bewerkn

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn bewerkn

Verwyziengn bewerkn

<references>

  1. (en) Ecoregion NA0609 : Midwestern Canadian Shield forests (WWF).
  2. (en) Ecoregion NA0609 : Midwestern Canadian Shield forests (Nationalgeografic).
  3. (en) Ecoregion NA0609 : Midwestern Canadian Shield forests (Global Species).
  4. (en) Ecoregion NA0609 : Midwestern Canadian Shield forests (WWF).