Charles II van Anjou

Charles II van Anjou, bygenoamd de Mankn (Frãns: le Boiteux), van 't Huus Capet-Anjou, (1254 - † 6 meie 1309 in Noapels), was de zeune van Charles I van Anjou en Beatrice van Provence.

Charles II van Anjou

't Keunienkryk Noapels

Je was van 1285 keunienk van Noapels, groaf van Provence en Forcalquier, en groaf van Anjou en Maine.

Huwelik en ipvolgienge

Charles II trouwde in 1270 me Maria van Hongareye, een dochter van keunienk Stefanus V van Hongareye, en zuster van keunienk Ladislaus IV van et Huus Árpád.

't Huwelik kost et meugelik moakn dat et Huus Capet-Anjou over Hongareye regeerde van 1308 tout 1395.

• Zyn oudste zeune, Charles Martel van Anjou, wierd deur de paus benoemd tout titulair keunienk van Hongareye als ipvolger van zyn nounkel Ladislaus IV, die gestorvn was zounder jounges. Moar et lukteg hem nie van te regeern, want zyn rivoal Andreas III was de facto keunienk. 't Was uutendelik zyn zeune Karel I Robert die in 1308 den êeste keunienk van Hongareye van et Huus Capet-Anjou kwam.
• Zyn oudste dochter, Marguerite van Anjou, voldeg hem ip als gravinne van Anjou en Maine. Ze trouwde me Charles van Valois en ze was de moeder van Philippe van Valois, den êeste keunienk van Vrankryk van 't Huus Valois.
• Zyn derde zeune, Robert van Anjou, volgdeg hem ip als keunienk van Noapels, titulair keunienk van Jeruzalem en groaf van Provence en Forcalquier.
• Zyn vierde zeune, Philippe I van Taranto, was de voader van Louis van Taranto, de latste keunienk van Noapels van et Huus Capet-Anjou.

Ofbeeldiengn die ier by passn ku je vien in de categorie Charles II of Naples van Wikimedia Commons.