De Cotswolds zyn e reke heuvels in west-centroal Iengeland. Ze wordn the Heart of England of 't herte van Iengeland genoemd.

De Cotswolds binn Iengeland
De Thames ountspriengt in de Cotswolds

't Gebied ligt surtout binn de groafschappn Gloucestershire en Oxfordshire, moar ook binn stikkn van Wiltshire, Somerset, Worcestershire en Warwickshire, 't groafschap woa da Stratford-upon-Avon, de geboorteplekke van William Shakespeare, ligt.

De Cotswolds zyn êen van de ca. 40 plekkn in Iengeland, Wales en Nôord-Ierland, die erkend zyn als Area of Outstanding Natural Beauty of streke met e buutngeweune nateurlikke schôonheid.

't Hoogste punt (330m) van de Cotswolds is Cleeve Hill in 't groafschap Gloucestershire, en in 't zelfste groafschap ountspriengt de riviere de Thames, nie verre van 't dorptje Kemble, dat ip vier kilometer van Cirencester, de grotste stad van de Cotswolds, ligt.

Karakteristiek vo de streke zyn de klêene stadjes en dorptjes met de typische huzetjes, gebouwd in Cotswoldstêen: e zêemkleurige Jurassische oölitische kalkstêen.

De middelêeuwn woarn e goudn tyd vo de Cotswolds. Ze kwoamn ryke deur under wullecommerce in Iengeland, moar ook met et continent.

De specifieke Cotswoldschoapn, ingevoerd deur de Romeinn, wordn Cotswold Lions genoemd en under lange dikke wulle Golden Fleece.

E grôot dêel van da geld wierd gebruukt vo schône huuzn te bouwn en kerkn in Cotswoldstêen, die Wool churches genoemd wordn. De mêeste grôote steedn doa hen zo'n kerke. De streke trekt vele ryke an met e twidde verbluuf, of die doa goan weunn achter under pensioen.

Externe koppelienge bewerkn

 
’t Dorptje Bibury
 
De typische huzetjes, gebouwd in Cotswoldstêen