Daniël Alliet (Wytschoate, 1944) is e paster die surtout bekend erocht is deur zyn werk voun menschn zounder papiern in Molenbeek.

Jeugd en paster in West-Vloandern bewerkn

Alliet is e boerezeune en en hadde nog 8 broers en zusters. E verlôor ol redelik vroeg zyn voader, mo ne muchte van zyn moeder egliek vorslêern. E lêerde voun paster, juuste lik zyn broere Etiënne, die no de missies in El Salvador gienk. Achter dat 'n paster ewyd wos, begust 'n dogmatiek te geevn an 't Grôotseminoarie van Brugge en ne kwam oek vôorzitter van Caritas West-Vloandern. Achter 13 joar wos 'n 't moe van in de structeurn van de kerke, die voun nem lik e gevang wos, te werkn en vroeg 'n zyn overplatsienge no Brussel, voun echt etwot voun de menschn te kunn doen.

Paster in Molenbeek bewerkn

E gienk in Molenbeek in de Schoolstroate gon weunn, in e gemêente woa dan der e masse allochtoonn, surtout menschn uut Nôord-Afrika, wundn en nog ossan weunn. E wulde etwot doen voun iedern mens, mor oek structureel 't êen en 't aar veraarn. E vôorbeeld doavan wos toune an de oude, blanke menschn uut zyn stroate an 't kloagn woarn over de jounge allochtoonn, toune het 'n e project begunn woarin dan die jounge gastn 't êen en 't aar kustn doen voun d'oude menschn. En het in 'n Knack ezeid dan 't nie de buutnlanders zyn die de profiteern, mo wyder zevve, in 'n bouw en in 'n horeca.

En is oek vele in 't nieuws ewist toune a zyn Begijnhofkerke bezet wos deur en hoop sans-papiers, die doa en houngerstoakienge hieldn. E liet ze nie buutn zettn, mo ne liet ze doa bluuvn en steunde nunder zevve, oek no 'n politiek toe.

In en interview me Karaat zei 'n oek dan d'êeste twêe menschn die no nem kwaamn in Molenbeek, West-Vloamiengn woarn die van schamte no 't Brusselsche evlucht woarn omdan ze nie vele gin geld haddn.

Externe koppelienge bewerkn