Edward Boys1785 - +1866) is surtout bekend van 't boek dat em schreef in 1827 over z'n ontsnappinge in Vrankryk in 1808 en z'n vlucht te voete deur Vrankryk en Vlaandern voun uutendelik via gasten van Zuunkerke 't Kanoal over te geraken.

Ie was nen Ingelse kadet (midshipman) die in 't najoar van 1803 gevangn wier. Je was toun achttiene. Te voete moest em deur Vrankryk en kwam uut in Verdun. Achter een relatief goeie periode gunter kwamt em terechte in de Citadel van Valenciennes. In 1808 ist em van doa gevlucht ip een spectaculaire maniere t'ope met drie moatn. Ze trokken no de Vlamse kust wo da ze probeerdn voun an e bootje te geroakn voe nor Ingeland te voarn. Da koste mo zuste lukkn met medewerkinge van de platselikke bevolkinge. Al t'ope was Boys 6 moandn in Vloandern.

Al z'n belevenissn in Vrankryk en Vloandern et em ipgeschreevn in 1810. Deur den oorlog die nog assan bezig was, circuleerde z'n werk mo zuste in de eigen familie. 't Is mor in 1827 dat em z'n werk publiceerde als "Narrative of a captivity, escape and adventures in France and Flanders during the war between the years 1803-1809". 't Boek wier vier keers erdrukt.

Uutgever Luc Vanhaecke uut Brugge gaf in 2005 een vertalinge in 't Nederlands uut. Ie zorgde voe correcties gebaseerd ip een uutgebreid archiefounderzoek.

Meer lezen bewerkn

BOYS, Edward, Mijn lotgevallen in Frankrijk en Vlaanderen (1803-1809), vertaald en toegelicht door Luc Vanhaecke, Brugge, 2005.