Geert Lambert

Geert Lambert (Ostende, 28 februoari 1967) is e West-Vlamschn avocoat en van 1992 tout 2012 polletieker, ounder andere voe Groen.

Geert Lambert (2008)

J' is Licentioat in de Rechtn en in de Haven- en Maritieme Weetnschappn (behoald an den UGent).

Carrière

Geert Lambert zyn polletieke carrière is begost in 1991, toen dat 'n voorzitter wierd van de Volksunie joungern. Dazelfste joar ist 'n begost als medewerker by 't Europees parlement.

Sedert 1996 zit 'n in d'Ostendse gemèenteroad als Schepen van Cultuur en monumentnzorg.

In 2000 ist 'n oundervoorzitter van de Volksunie gewordn en et 'n in die oedoanigeid den oundergang van die party meegemakt. Doarachter et 'n voe de links-liberoale kant van de Volksunie gekoozn en et 'n azo mee Spirit opgericht.

In 2003 ist 'n verkozen tout koamerlid, oundervoorzitter van de koamerfracsje van Spirit en lid van de Road van Europa en de West-Europeesche Unie (W.E.U.)

In 2004 et 'n Els Van Weert ipgevolgd als voorzitter van Spirit en in oktober 2007 ist 'n vervangn deur Bettina Geysen.

Sedert de verkieziengn van juni 2007 ist 'n senateur. In december 2008 wierd 'n were voorzitter van de partie en in januoari 2009 kreegn ze e nieuwe noame: Sociaal-Liberale Partij (SLP). Ip 't ende van 2009 zyn ze tegoaregesmoltn me Groen!.

By de gemeenteroadsverkieziengn in 2012 is Geert Lambert nie mir ipgekommn en stopte zyn polletieke carrière.

Varia

Geert Lambert is goed gekend deur z'n fysieke verschynienge, want je was nogol zwoar van posteure. Dadde is wel veranderd, want in 2008 et 'n e moagverklênienge loatn doen. J’et ook nog een typisch handelsmerk en da's zyn groene bril.

Externe koppeliengn

• Zyn officieeln website
• Stoppen met politiek

Ofbeeldiengn die ier by passn ku je vien in de categorie Geert Lambert van Wikimedia Commons.