Gluutn (van 't Latyn gluten, colle) is de noame van e groep eiwitn die voornkomn in bepoalde groankorrels, lyk al de soortn terwe (broodterwe, emmer, durum, spelt) en ook gerst, rogge en hoaver.

Rype terwekorrels bevatn gluutn

By 't kneedn van brooddeeg zorgn de gluutnproteïnes vo stevigheid en elasticiteit. Deur te kookn komt gluutn vaste en zuygt e deel van 't vocht en ook de smoake dervan ip. 't Wordt vele gebruykt in de vegetoarische keukn lyk vleesvervanger. E bepoalde variëteit wordt seitan genoemd.

Gluutn kan by sommigte menschn oentstekyngs-, immunologische en auto-immuunreacsjes veroorzoakn. Menschn met de auto-immuunziekte coeliakie (gluutnintoleransje) moetn e gluutnvry dieet volgn.