Godfried V van Anjou

Godfried V (24 ogustus 1113 - Château-du-Loir, 7 september 1151), bynoame "de Schôonn" (Frãns: "Le Bel") en "Plantagenet", was den oudste zeune van groaf Fulco V van Anjou en Ermengarde van Maine. Zyn zuster Sibylle van Anjou trouwde me twi groavn van Vloandern. In 1123 me Willem Clito, en in 1134 me Diederik van den Elzas. Zyn andere zuster, Mathilde van Anjou, trouwde me William Adelin, zeune van keunienk Hendrik I van Iengeland.

Godfried V van Anjou
1113-1151
Godfried Plantagenet
Groaf van Anjou
Periode1129-1151
VôorgangerFulco V van Anjou
IpvolgerHendrik II van Iengeland
Hertog van Normandië
Periode1144-1150
VôorgangerStefan van Blois
IpvolgerHendrik II van Iengeland
VoaderFulco V van Anjou
MoederErmengarde van Maine

Godfried wierd Plantagenet genoemd omdat ‘n dikwils e taksje brem (Frãns: genêt en in ’t Latyn planta genista) ip z’n hoed droeg.

De dynastie die volgde, te begunn me zyn oudste zeune Hendrik II van Iengeland, woarn d’Iengelsche keuniengn van ’t Huus Anjou, ook de Angevins genoemd. De dynastie krêeg loater ook de noame Huus Plantagenet, achter zyn bynoame.

Godfried V was groaf van Anjou, Touraine en Maine. Deur ’t huwelik van z’n ouders woarn de drie groafschappn verêenigd. Je kwam ook hertog van Normandië in 1144.

Vrouwe en jounges bewerkn

Godfried trouwde me Mathilde, dochter van keunienk Hendrik I van Iengeland, achter da ze weeuwe gekommn was van de Rôoms-Duutsche keizer Hendrik V. Ze was 25 en Godfried bykan zestien joar oud. Ze trouwdn ip 17 juni 1128 in de kathedroale van Le Mans.

Under jounges woarn:

  • Henry Curtmantle (1133–1189), die keunienk van Iengeland kwam als Hendrik II.
  • Godfried, groaf van Nantes (1 juni 1134 Rouen- 26 juli 1158 Nantes), nie getrouwd
  • Willem van Dieppe (1136–1164), nie getrouwd
 
De groafschappen
Anjou, Touraine en Maine