Johan André Magdalena Taeldeman (Maldegem, 23 december 1943 - 31 oktober 2017) was e Vlamsche toalkundign. J' è veele gepubliceerd over de Nederlandsche fonologie en de Vlamsche dialectn.

Taeldeman studeerde Germoansche filologie an den Universiteit van Gent toet 1966. In 1976 kwamt 'n doctor in de lettern en de filosofie. Je blêef lessegeevn in Nederlandsche toalkunde an den unief van Gent. In 1995 kwamt 'n lid van de Keunienklyke Academie vo Nederlandsche Toale- en Letterkunde (KANTL) in Gent. Van 1996 toet 1999 wast 'n vôorzitter van de Keunienklyke Zuud-Nederlandsche Moatschappie vo Toal- en Letterkunde en Geschiedenisse. In 2001 wierd 'n doctor honoris causa an den Université de Liège. An den UGent giengt 'n den 1stn oktober 2004 met emeritoat. Uut respect vo zyn werk brochtn verschillige bevriende toalkundign 't boek Schatbewaarder van de taal: Johan Taeldeman uut. Je was oendervôorzitter van de KANTL in 2006 en vôorzitter in 2007. Neffest veele weetnschappelyke artikels, schrêeft 'n ook verschillige boekn en tydschriftartikels over fonologie en dialectn.

Taeldeman gaf ook dikkels kritiek ip 't achteruutgoan van de toale ip de televiezje in Vloandern. In een opiniestik "Het Vlaamse taallandschap verschraalt" in de gazette De Standaard in 2007 gaft 'n commentoar ip de tusschntoale die mêer en mêer gebruukt wordt en je pleitte vor e Vlamsche standoardtoale.

Bibliografie bewerkn

  • Devos, Magda; Ryckeboer, Hugo; Taeldeman, Johan en Peeters, Jan-Willem, Woordenboek van de Vlaamse dialekten : inleiding, 1979
  • De klankstructuur van het Gentse dialekt : een synchrone beschrijving en een historische en geografische situering, RUG, Gent, 1985
  • Taeldeman, Johan en Dewulf, Hilde Dialect, standaardtaal en maatschappij, Acco, Leuven, 1985
  • Taeldeman, Johan; Gillis, Steven en Nuyts, Jan, Met taal om de tuin geleid : opstellen voor Georges De Schutter, Universitaire Instelling Antwerpen, 2000
  • De Caluwe, Johan; Devos, Magda en Taeldeman, Johan, Het taallandschap in Vlaanderen, Academia Press, 2001
  • Goossens, Jan; Taeldeman, Johan; Verleyen, Geert; De Wulf, Chris, Fonologische atlas van de Nederlandse dialecten (FAND), KANTL, Gent, 1998-2005 (4 delen)
  • Oost-Vlaams, Uutgeverie Lannoo, Tielt, 2005

Externe link bewerkn