Juan van Oostnryk
Don Juan van Oostnryk (Regensburg, 24 februoari 1547 - Bouge, 1 oktober 1578) was ‘n Spoans legerleider en landvoogd van de Nederlandn binst de Tachtigjoarign Oorlog.
| 1547 – 1578 | ||||||
|---|---|---|---|---|---|---|
 | ||||||
| Landvoogd van de Nederlandn | ||||||
|
||||||
|
Ofkomste bewerkn
Don Juan was ‘n ounwettige zeune van keizer Karel V en Barbara Blomberg. J’is ipgebrocht an ‘t of van z’n olfbroere keunink Filips II. Ols legeranvoerder, tegoare mè Don Luis de Requesens, versloegt ’n de Turkn in de Slag by Lepanto in 1571.
Landvoogd van de Nederlandn bewerkn
In 1576 zound Filips II Don Juan no de Nederlandn vo Don Luis de Requesens, die ounverwachts gestorvn was, te vervangn ols landvoogd. J’arriveerde d’n derdn november, juste te loate vo de Spoansche troepn te kalmeern, die de vierdn november Antwerpn binn vieln en de stad vernieldn. (Spoansche Furie)
De zeevnstn januoari 1577 wierd de Unie van Brussel geslootn. De Stoatn-Generoal probeerdn iermee mè Don Juan tout ’n overeenkomste te kommn: Je most de Pacificoatie van Gent erkenn en zynder mostn g’oorzoameid beloovn an Filips II en de landvoogd, en zorgn vo ’t in stand oudn van ‘t katholiek geloof in de provincies. De Spoansche troepn zoun vertrekkn mits betoalinge. D’n zesdn april è Filips II d’overeenkomste geteeknd, mo teegn z’n gouste.
De Spoansche troepn begostn under end april 1577 were te trekkn, mor achter ’n poar moandn, d’n vierentwintigstn juli, veroverde Don Juan mè geweld de citadel van Naamn. Achter dien anvol liep ‘t helegans verkeerd en d’n eenendertigstn augustus gaf Filips II ’t bevel da de Spoansche troepn mostn were keern no de Nederlandn. In januoari 1578 kwam Alexander Farnese, zeune van Margaretha van Parma en de loatern ertog van Parma, mè nieuwe troepn vo Don Juan t’oundersteunn, wa da tout ’n geweldige overwinninge leidde in de Slag by Gembloux.
Mo Willem van Oranje arriveerde d’n drieëntwintigstn september 1578 in Brussel. De gewesten erkendn Don Juan nie me ols under landvoogd en vroegn aartshertog Matthias van Oostnryk, zeune van keizer Maximiliaan II en loater zelve keizer, in zyn plekke, mo da wierd nie anveird deur Filips II.
D’n eestn oktober 1578 stierf Don Juan an tyfus in z’n legerkamp in Bouge (by Naamn). Je wierd ipgevolgd deur Alexander Farnese.