Kanoal Ariën-La Bassée

't Kanoal Ariën-La Bassée (Frans: Canal d'Aire ofte Canal d'Aire à La Bassée) es e kanoal in Vrankryk in't departement Nauw van Kales en 't Noorderdepartement. 't Kanoal es 39 kilomèiters lank en makt de verbindienge tusschn twêe riviern: de Leie by Ariën en de gekanaliseerde Deule by Billy-Berklo en Bauvin, nie verre van La Bassée. Ôok 't stee Bethune ligt an't Kanoal Ariën-La Bassée. By Ariën lôopt et Kanoal ôok dêels oover in d'n Nieuwndyk en ezo kun je vodder noa't nôord'n voarn richtienge de riviere Aa en d'oav'ns an de kuste. Ezo es 't Kanoal Ariën-La Bassée ôok en ounderdêel van de grôotere verbindienge tusschn Duunkerke en de Schelde.

Liggienge van't Kanoal Ariën-La Bassée (Canal d'Aire ip de koarte)

't Kanoal by de plekke Essars

't Ôogteverschil ip't Kanoal Ariën-La Bassée es mor twêe mèiters wa vrêe letter es. Doamee ester ôok mor êen sluuze, ter ôogte van de plekke Cuinchy.

D'êeste plann'n vo't kanoal goan were tout 't joar 1271. Ze zyn begunn'n mè groavn in 1660, mor deur treffrente ôorloog'n en binn'nlandse confliktn wos't mo grêed in 1825. Bist d'n Êestn Weireldoorloge wos 't Kanoal Ariën-La Bassée e serieuze indernisse in vo d'iprukk'nde Duutschers. In de joar'n 1970 en 1980 wierd de voart verbrêed en verdiept vo der grôotere bôotn ip te kunn'n loatn voarn. Ier en doar ein ze zelfst niefe stikkn gegroav'n. Stikk'n van't ôorsprounkelyke smollere kanoal die nu nie mêe gebruukt word'n vo de commerciëlle voart, kun je nog olsan ziene by La Bassée, Bethune en Ariën.

Ofbeeldiengn die ier by passn ku je vien in de categorie Canal d'Aire van Wikimedia Commons.